Nëse qyteti është bërë i lodhshëm për ju dhe të paktën në fundjavë doni të “arratiseni” prej tij, nëse pluhuri-zhurma-rrëmuja ju kanë lodhur por puna nuk ju lë të largoheni dot shumë larg, nëse gjithmonë keni ëndërruar për një shtëpi në det por ju është dukur një ëndërr e largët, nëse keni një shtëpi në bregdet dhe jeni te pakënaqur prej saj por nuk kishit mundësi tjetër, tashmë përgjigjja për të gjitha dilemat tuaja erdhi. “ Arratisuni” në Kompleksin Turistik Lalëz vetëm 30 km nga Tirana dhe ëndrrat tuaja bëhen realitet. Plazhi i virgjër i cili shtrihet mes detit të kristaltë dhe pyllit të pishave. Peizazhi mahnitës rrethohet nga një kurorë kodrash të cilat duket se e ruajnë mrekullinë e perëndimit të diellit vetëm për vete.

Hipotekë e garantuar në dorëzimin e viles, gjë që mundëson financimin nga Bankat. Kompleksi Turistik shtrihet në një tokë të blerë nga investitorët dhe do t’i kalojë në pronësi banorëve të vilave dhe apartamenteve. Duke dashur që gjithçka të jetë serioze dhe sa më afatgjatë po nisim një erë të re konceptimi dhe ndërtimi Turistik.

Në të njëjtën kohë ju kryeni tre transaksione, blini një shtëpi të dytë, siguroni pushimet dhe fundjavat në një ambient tejet ekskluziv, por dhe investoni në një vilë apo apartament që për vetë kohën dhe vendin e ndërtimit siguron rritjen e mëtejshme te vlerës.

Duke marrë parasysh dhe potencialet e tregut tonë financiar, kemi hyre në partneritet me disa banka të cilat sigurojnë kredi por dhe forma të tjera financimi me kushte tejet konkurruese për tregun tonë financiar. Gjithashtu kompania ofron paketa te ndryshme financiare ndër të cilat përmendim; Parapagim  Me çelësa në dorë  Porosi e veçantë etj

Brenda territorit të rrethuar dhe ruajtur me roje private por dhe kamera sigurie, gjendet pishina e kompleksit, parkimi i makinave, kompleksi lodrave për fëmijë, minimarket etj. Në periferinë e tij ndodhet një Hotel i cili ofron dhoma, pishinë, restorant, bare, salle bilardo, sauna, fitness etj e cila ju krijon mundësinë që kur keni miq, të ftuar apo dhe thjesht kërkoni më tepër gjallëri mund të shoqëroheni me njerëz të tjerë jo më larg se 200 m nga shtëpia juaj.

Vilat dhe Apartamentet janë projektuar duke pasur konceptin human në qendër të vëmendjes. Gjithçka është në funksion të njeriut. Lëndët e para dhe materialet e ndërtimit të cilat janë tejet cilësore por dhe punimet e kontrolluara rreptësisht nga një skuadër ekspertësh të fushës, garantojnë cilësinë e punimeve. Projekti ndan qartë sipas standardeve ndërkombëtare të administrimit bashkëkohor të drejtat dhe detyrimet në një komunitet. Në kontratën e shitjes përcaktohen saktë pronësia individuale dhe ajo kolektive, njëkohësisht administrimi i përbashkët i këtij projekti gjigand bën të mundur uljen e tarifave mujore të mirëmbajtjes.

Me pishina, fushë minigolfi, fusha tenisi, volejboll-basketbolli, minifutbolli, park lodrash për fëmijët, etj. Synimi ynë është që pushimet tuaja në çdo kohë të jenë sa më aktive. Ambienti sportiv përfshin një gamë të gjerë sportesh disa prej të cilëve vijnë për herë të parë në Shqipëri dhe në këtë rast do të keni pranë dhe instruktoret përkatës. Duke marrë parasysh nevojat e fëmijëve për një kompleks lodrash por dhe të prindërve për një kohë përkushtimi ndaj vetes, jemi përpjekur që këndit të fëmijëve të mos i mungojë asgjë dhe në këtë mënyrë fëmijët mund të kalojnë orë të tëra në shoqërinë e njëri-tjetrit.

Duke e vlerësuar detin si një element tejet të rëndësishëm, kemi përfituar nga pastërtia e ujit dhe brezi i rërës ( mbi 100m ) të pashkelur, për të zhvilluar një pjesë të rëndësishme të projektit tonë në banjat e diellit ( në një plazh privat) por dhe të lojërave të ujit në një det unik me thellësi ideale për të notuar, zhytur, lundruar etj.